• • Parodi rapsodike:

• •       KËNGA E SHQIPTARIT TË MADH

• • Jam shqiptar – SHQIPTAR I MADH ,

• • Kryet fushë  , mendjen livadh …

• • Jam bë i mjeri kurbetçi –

• • Shita tokë  , shita shtëpi ,

• • Rashë n’ kontakt me një Agjenci ,

• • Me m’ kalua nëpër kufi …

• • Shita delet me gjithë lopë –

• • Mora rrugën me dalë n’ Evropë !

• • Rrugë e gjatë  me shumë havale –

• • Nëpër përrenj  e  nëpër male , 

• • Nëpër lum e nëpër det ,

• • Mezi dola në  kurbet !

• • Për pa ikë  nuk pata çare –

• • Thash – Serbia do t’ na qet fare !

• • Po sa e preku shkau Drenicën –

• • Unë ua ktheva prapanicën !

• • Iu thashë  shokëve :”Lamtumirë !

• • Mirë u pafshim n’ Kosovën e lirë !”

• • Larg n’ Evropë , ku jetoj sot –

• • Për Kosovë , po qajë me lot !

• • Shkruaj , flas e nuk rri kot –

• • Jam ma i madhi patriot !

• • Ditë e natë  jam duke ëndërrua –

• • Një ushtri me e formua ,

• • Me e nisë  luftën me luftua ,

• • Krejt armiqtë  rend me i farua !

• • Do t’ mbledh armët dhe fuqinë –

• • Do ta qes fare Turqinë ,

• • T’ gjallë e t’ vdekur do t’ i  qes n’ det ,

• • Pse na mbajti gjashtëqind vjet ?!

• • Kur ta qes fare Turqinë –

• • Do t’ luftoj me Arabinë

• • Dhe gjithë shtetet muhamedane  ,

• • Pse na e dhanë  fenë myslimane ?!

• • Si t’ kryej luftën me Arabinë –

• • Do t’ sulmoj me ‘i  herë Greqinë ,

• • Pse na e mori Çamërinë  ,

• • Artë , Prevezë  edhe Janinë?!…

• • Kur t’ ia thyej qafën Greqisë –

• • Do t’ i  turrëm me ‘i  herë Serbisë ,

• • T’ ia sulmoi Nishin , Kralevën ,

• • T’ ia bashkoi Kosovës – Preshevën !…

• • Me Serbi do ta bëj fet –

• • Pse na mbajti njëqind vjet ?!

• • Si t’ ia heq flamën Serbisë –

• • Do t’i mëshoj Maqedonisë ,

• • T’ ia marr Shkupin , Iliridën,

• • Kumanovën edhe Dibrën ,

• • Ia qes flakën , ia la hirin ,

• • Ia marr Prespën, Manastirin !…

• • Si ta kryej n’ Maqedoni –

• • Do t’ i  turrëm Malit t’ Zi ,

• • T’ ia marr Plavën me Gucinë ,

• • Podgoricën me Cetinë ,

• • T’ ia marr Tuzin dhe Malësinë,

• • Vlladimir, Ulqin, Vraninë,

• • T’ ia marr detin me Tivar –

• • Kështu luftojnë trimat shqiptarë !

• • Pas kësaj lufte ballkanike –

• • Do ta bëj Shqipëri Etnike !

• • Do ta formoj Qeverinë –

• • Do ta ndryshoj historinë !

• • T’ gjithë figurat kombëtare –

• • Do t’ shikoj a kenë shqiptare ?!

• • Do t’ filloi prej Skënderbeut –

• • A ishte birë i këtij  dheut?

• • A ishte trim legjendar ,

• • Malazezë, apo shqiptar ?!

• • Nënë Tereza, ajo zulmëmadhe –

• • Maqedone , apo shqiptare ?!

• • Për këtë  bijë t’ lindur nga Shkupi –

• • Disa  thanë  :”Është bijë magjupi?!”

• • Për gjykatë  do ta bëjë një listë –

• • Për ata që  kenë zogistë ,

• • Asht e rrashtë do t’ ua qes fare ,

• • S’ do t’ kenë vend n’ tokat shqiptare !

• • Prapë vazhdoj ta bëjë një listë –

• • Për shqiptarët enveristë ,

• • Leninistë  e stalinistë ,

• • Hrushqovjanë  e komunistë ,

• • Mao Ce Tung e ateistë  ,

• • T’ gjithë çka janë n’ qytet , n’ katund ,

• • Do t’ i grijë , t’i bëjë sapun !

• • Prijatarët e demokracisë  ,

• • Që ia hapën kufijtë Shqipërisë ,

• • Do t’ i  shti t’ gjithë në një listë –

• • Berishistë  e nanoistë,

• • Majkoistë e milloistë,

• • Ramoistë edhe metistë ,

• • Do t’ i qoj krejt te kasapët ,

• • Do t’ qëroj me ta hesapet !

• • Kur me ta, ta kryej këtë sprovë –

• • Do t’ vazhdoj rrugën n’ Kosovë ,

• • Do t’ shikoj nëpër shumë breza ,

• • Kush do t’ hyjë në lista t’ zeza ?!

• • Kush ishin ata dai ,

• • Që e lanë  Kosovën nën Serbi?

• • Kush  kenë  ata  komunistë –

• • Që u rreshtuan si titistë,

• • Me drazhistë, rankoviqistë ,

• • Me kasapë  millosheviqistë ,

• • Fadilistë  e mahmutistë,

• • Sinanistë  e alishukristë ?!…

• • Kush iu priu studentëve shqiptarë –

• • N’ demonstrata kundër- revolucionare?

• • Kush na e prishi vëllazërim – bashkimin ,

• • Kumbarinë  e pobratimin ?!…

• • Kush ia rrëzoi themelet vendit –

• • Do t’ i djeg në zjarr t’ xhehenemit !

• • Kush kenë  ata nismëtare ,

• • Që formuan Ushtrinë Çlirimtare ,

• • E na qitën nëpër male ,

• • E na i kallën shtëpitë me zjarre ?!

• • Do t’ i  çoj n’ Gjykatë Ndërkombëtare ,

• • S’ do t’ iu la vend as për varre !

• • Do t’ vazhdoj prapë të bëjë lista –

• • Për marksista e  leninista,

• • Stalinista e enverista ,

• • Demaçista e lajçista ,

• • Osmanista e hysenista ,

• • Për qosista e rugovista ,

• • Për thaqista e ramushista ,

• • Për dacista e pacollista…

• • Do t’ i  qes t’ gjithë në gjykata ,

• • Do t’ iu japë dënime t’ gjata !

• • Po sa punën këtu ta ujdisë –

• • Do t’ ia mësyjë Maqedonisë ,

• • Për tradhti do t’ përpiloj lista ,

• • Për rufista e xhaferista,

• • Menduhista e ahmetista …

• • Kam  Preshevën , Bujanocin ,

• • Me  do djem që m’ tharbin kosin ,

• • Unë , atje do ta luaj llosin ,

• • T’ i shti n’ burg , t’ ua thyej kocin !

• • Dhe n’ Mal t’ Zi , janë do lider –

• • Nuk i lëshoj pa ua bë ndo ‘i  sherr !

• • S’ do t’i  la n’ skenë politike ,

• • Se do t’ bëjë Shqipëri etnike !

• • Kur ta bëjë  këtë Shqipëri t’ mbarë –

• • Vet do t’ zgjidhem Kryetar ,

• • Vet kudo do t’ jem i parë ,

• • Se unë jam ma i miri shqiptar !

• • Do t’ vë ligj e do t’ vë rend –

• • Do ta zhduki kudo fenë ,

• • Do t’ rrëzoj kisha e xhamia ,

• • Se këto fe s’ i do Shqipëria !

• • Kush do t’ shkruhet ortodoks –

• • Do t’ i qes fare me boks !

• • Kush do t’ shkruhet myslimanë –

• • Ua shti zjarret n’ katër anë !

• • Kush do t’ shkruhet katolik –

• • Do t’ i mbys krejt me kamxhik !

• • Do t’ bëj shtet, do t’ bëjë atdhe –

• • Ku s’ do t’ ketë ma asnjë fe !

• • Kur ta bëjë  kështu shtet Shqipërinë –

• • Do t’ ia ndërroj dhe gjeografinë !

• • Do t’ ia  ndërroj  këto toponime –

• • Si ma thotë  kjo mendja ime !

• • Male, fusha, fshat , qytet –

• • Ua  vë emrat qysh dua vet !

• • Emrat e njerëzve që janë pa krip –

• • Do t’ ua ndërroj e t’ua vë shqip !

• • Krejt Shqipërinë  e bëjë livadh ,

• • Se unë jam Shqiptar i Madh !

Gjilan, më  04. 09.2009. Demir KRASNIQI

Parodi:

• •       KALAVESH LESHI

• • Jam poeti Kalavesh Leshi ,

• • M’ njeh rrethina, m’ njeh krejt sheshi .

• • Dal n’ qytet si padishah –

• • Një çantë t’ madhe e mbajë mbi krah !

• • Prej se i shkrova ca vargje n’ letër –

• • Lëshova flokë  e lëshova mjekër !

• • Ju betohem n’ qiell e n’ tokë –

• • Kurrë ma krehër  nuk kam shti n’ flokë !

• • Po sa  e shkrova një poezi –

• • Mora rrugën , shkova n’ xhami ,

• • Lypa hoxhën dhe myezinin ,

• • Me m’ ia bë mjekrës - AMININ !

• • Kurrë ma s’ dola para pasqyrës ,

• • Kurrë s’ i rashë ma  brisk - fytyrës ,

• • Kurrë ma s’ shkova as te berberi ,

• • Veç me u bë artist për seri !

• • Kam  rritë  flokët si bashkë leshi –

• • Për me m’ njohtë mileti e sheshi !

• • Ky  imixh ka shumë mesele –

• • Si ogiçi përmbi dele !

• • Flokët bistek i lidhi shpinës –

• • Si gërshetat e Eminës !

• • Po bëjnë seri kullat e gurit –

• • Hije i paska bisteku burrit !

• • Kur po dal n’ korzo kah terri –

• • Krejt çarshia po bëjnë seri !

• • M’ këqyrin fëmija e krejt mileti –

• • Ja, ky është Kalavesh Poeti !

• • Mu ka rritë mjekra dredhë – dredhë ,

• • S’ po kam vend kah me e përmbledhë !

• • Ja kam nisë  me  e krehë përpjetë –

• • Kështu e ka poeti këtë jetë !

• • Krejt dynjaja me kokë t’ shëndoshë –

• • Krehin mjekrat për te poshtë !

• • Por , unë kam halle n’ këtë jetë –

• • Andaj , mjekrën  e krehë përpjetë !

• • Për mbulesë  t’ thinjave e surave –

• • Po përdori bojë të kundrave !

• • E ngjyej mjekrën , i ngjyej flokët –

• • S’ dua t’ zbardhëm , sikur shokët !

• • Gjilan, më  07.08.2009. Demir KRASNIQI

Për nderë të festës kombëtare 28 Nëntorin – Ditën e Flamurit kombëtar , në Gjilan u mbajt manifestimi jubilar kulturor:

“40 VJET KËNGË ME DEMIR KRASNIQIN”

Gjilan, më 27 Nëntor 2008.

Nën organizimin e Sektorit për Kulturë, pranë Drejtorisë për Kulturë, Rini dhe Sport të Kuvendit Komunal të Gjilanit, për nderë të festës kombëtare 28 Nëntorit – Ditës së Flamurit kombëtar, në sallën e Teatrit Profesionist të Gjilanit, u mbajt manifestimi jubilar kushtuar këngëtarit, pedagogut, krijuesit dhe kompozitorit:

“40 VJET KËNGË ME DEMIR KRASNIQIN”

Manifestimi i përbërë ekskluzivisht me këngë të thurura , kompozuara dhe interpretuara nga Demir Krasniqi, filloi në ora 19.00.

Salla e Teatrit Profesionist të qytetit të Gjilanit, ishte mbushur plotë e përplotë me mysafirë nga Gjilani, Prishtina, Ferizaj, Kamenica,Tugjeci, Lugina e Preshevës dhe vende tjera të Kosovës.

Derisa publiku po hynte në sallën e teatrit, vazhdimisht dëgjohej antonimi i këngës – himn “Flaka e janarit” e kompozuar dhe e thurur nga Demir Krasniqi, kurse e kënduar nga gjithsejtë 12 këngëtarë e këngëtare gjilanas .

Para se të fillonte programi zyrtar i manifestimit, të gjithë këngëtarët pjesëmarrës të programit dolën në skenë, i përshëndetën publikun dhe u ulën nëpër karriget e vendosura në formë gjysmë rrethi.

Manifestimi filloi me intonimin e himnit kombëtar “Rreth Flamurit” të cilin e nderuan të gjithë pjesëmarrësit duke qëndruar gatitu në këmbë.

Pas intonimit të himnit, në skenë doli moderatori dhe zyrtarë përgjegjës për Kulturë, Mr. Tahir Arifi, i cili pas një përshëndetje ndaj publikut, e ftoi në skenë profesorin dhe poetin Hysen Këqiku, i cili kishte përgatitur një referat mjaftë domethënës për veprën dhe krijimtarinë artistike, në temën:”40 VJET KËNGË ME DEMIR KRASNIQIN”.

Kënga e parë që e hapi këtë manifestim, ishte ajo me titull:”Frynë murrlani me stuhi”, apo ndryshe:”Kushtrimi i Skënderbeut”, me të cilën Demir Krasniqi e filloi karrierën e tij prej këngëtari më 1968. Pra, këtë këngë e këndoi sërish Demiri, pas plot 40 vitesh. Me këtë këngë, Demir Krasniqi përkujtoi 540 vjetorin e vdekjes së Gjergj Kastriotit – Skënderbeut.

Në vazhdim, Demiri u prezantua me këngën “Lidhja Shqiptare e Prizrenit”, me të cilën e rikujtoi 130 vjetorin e kësaj ngjarje të madhe historike.

Për 96 vjetorin e shpalljes së Pavarësisë së Shqipërisë dhe Festës së Flamurit kombëtar shqiptar, Demir Krasniqi në duet me Xhemajl Berishën, kënduan këngën me titull:”Dasma e Flamurit”.

Ngjarjen e madhe historike e kulturore të kombit shqiptar – 100 vjetorin e Kongresit të Alfabetit të Manastirit, në të cilin përvjetor ishte pjesëmarrës dhe përfaqësues i vetëm nga Kosova, Demir Krasniqi na e përkujtoj përmes vargjeve dhe tingujve të këngës “Kurrë nuk shuhet Manastiri”!

Solisti vokal, Burim Demiri, në cilësinë e mysafirit të programit të Demir Krasniqit, e këndoi këngën me titull:”Iliriana” të shkruar dhe kompozuar nga Demir Krasniqi.

Këngëtare mysafire e këtij manifestimi jubilar, ishte edhe solistja veterane Sirie Gagica – Sadiku, e cila para publikut u prezantua me këngën kushtuar dëshmorit të kombit Zijah Shemsiu, që ishte gjithashtu në autorësi të dyfishtë të Demir Krasniqit.

Këngën me titull:”Trimat e sheshit të Gjilanit” e interpretoi autori  Demir Krasniqi, kurse recitalin e saj e deklamoi aktori veteran Jashar Shahiqi.

Këngëtari mysafir nga Kamenica, Hetem Matoshi e begatoi këtë mbrëmje me këngën e Demir Krasniqit, me titull:”Mbrëmja e maturës”!

Këngën kushtuar dëshmorit të kombit Major Muharrem Ibrahimit, e këndoi autori Demir Krasniqi, kurse recitalin e saj e deklamoi aktori gjilanas Ramadan Kurti.

Programin muzikor të kësaj mbrëmje e përmbylli kënga autoriale e Demirit,  me titull:”Ju përshëndetë kënga e rapsodëve të Gjilanit” të cilën e kënduan në grup: Demir Krasniqi,Xhemajl Berisha, Rexhep Jashari, Qazim Hajdari dhe Hetem Matoshi.

Në fund të programit, Demir Krasniqi me një fjalë falënderimi u falënderua para publikut për pjesëmarrjen dhe përkrahjen e tyre. Ndër të tjera, ai falënderoi publikisht:

o Sektorin e Kulturës pranë Drejtorisë për Kulturë, Rini dhe Sport të Kuvendit Komunal të Gjilanit, për organizimin e këtij Manifestimi jubilar,
o Publikun e pranishëm për pjesëmarrje dhe përkrahje,
o Post mortum:Mësuesin Rexhep Bunjaku nga Poliçka,
o Post mortum:kompozitorin, etnografin , etnomuzikologun dhe redaktorin përgjegjës të Radio Prishtinës – Lorenc Antonin,
o Mediumet publike elektronike dhe të shkruara gjithandej trojeve shqiptare,
o Gazetarin Musa Sabedini,
o Gazetarin Tefik Selimi,
o RTVM- kanalin e dytë të Shkupit dhe regjisorin Afet Miftari,
o Redaktorin e shumë veprave , prof, Hysen Këqiku,
o Radio “Rinia” dhe Faruk Limani,
o Organizatorin e festivalit “Zëri i Alfabetit” nga Manastiri,
o Produkcioni “Video Art” dhe Ilir Ahmeti nga Gjilani,
o Përzgjedhësin e muzikës dhe operatorin teknik Flroim Gagica nga Gjilani,
o Foto “Gazi” nga Gjilani dhe
o Të gjithë kolegët, këngëtarët, rapsodët, instrumentistët dhe artistët pjesëmarrës të programit.

Lëvdatë dhe meritë të jashtëzakonshme, kishin kreatorët e skenografisë së këtij manifestimi:Tahir Arifi dhe Nazim Gagica, të cilët bënë që të mbahet në mend kjo skenografi e mrekullueshme, madhështore dhe e pa parë deri më tash në skenografinë e Gjilanit!

Me të përfunduar programi, në skenë u ngjit i pari artisti i merituar , piktori dhe poeti Demir Behluli, i cili jubileun e 40 vjetorit tim dhe veprimtarinë time e nderoi me një pikturë- portert timin dhe një fjalë rasti. Pas tij dolën në skenë edhe dy ish nxënëset e mia:Motrat Këqiku ( bijat e prof.Enver Këqikut), të cilat mi dhuruan dy buqeta me lule.
RRëFEN MË TEJ DEMIR KRASNIQI:
Pastaj një pas një, gati të gjithë mysafirët pjesëmarrës u ngjitën në skenë për të më uruar dhe për t’ i fotografuar me mua për kujtim.
RRëfen më tej z.Demir Krasniqi:
Unë, për mysafirët shpërndava 100 ekzemplarë libra të veprës “Diell lirie”, kurse organizatori për nderë të mysafirëve, në podrumin e Teatrit, shtroi një koktej rasti.

Nderim të veçantë, me pjesëmarrjen e tij, më bëri miku , gazetari dhe poeti Bilall Maliqi nga Presheva.

Të tillë ishin edhe poetët :Nexhat Rexha e Sinan Sadiku nga Kamenica, si dhe rapsodët:Selajdin Berisha, Hetem Matoshi, Heset Matoshi, Xhemajl Matoshi, Nevrije Demolli…. e sidomos Drejtori i Shkollës Fillore “Nuhi Berisha” nga Tugjeci – Mehmet Osmani me një grup arsimtarësh dhe bashkëfshatarësh të mi.

Po ashtu, nderim të veçantë me ardhjen e tyre më bënë kushërinjtë: Prof. Dr. Fehmi Krasniqi, prof.Dr. Fejzullah Krasniqi, Sokol Krasniqi që kishin ardhur nga Prishtina.

Respekt , nderim dhe kontribut shumë të madh më bëri z. Ilir Ahmeti, producent i Produkcionit Filmik “Video Art” nga Gjilani, i cili në mënyrë vullnetare gratis, ma xhiroi tërë këtë mbrëmje me kamerë që nga fillimi e deri në përfundim.

Edhe përkundër të gjitha këtyre tradhtive, gënjeshtrave dhe shantazhimeve, Manifestimi doli shumë i suksesshëm, pa asnjë ekses dhe publiku u nda shumë i kënaqur me program.

Në fund, po ceku se moderatori i këtij programi, Mr. Tahir Arifi, gjatë tërë kohës sa e modreoi programin ishte shumë i suksesshëm, shumë natyral, shumë artistik dhe shumë profesional, me çka bëri që ky manifestim të shkojë në rrjedha normale artistike, pa asnjë të metë!
Fjalë përshëndetëse përfundimtare:

F A L E N D E R I M

Shumë të nderuar dhe të respektuar mysafirë pjesëmarrës të pranishëm – zonja dhe zotërinj !

Nuk është aspak e lehtë të flasësh kur ndjehesh i privilegjuar dhe i respektuar!

Më lejoni të ju falënderoi në mënyrë të veçantë, Juve publikë e mrekullueshme , që mbajtët gjallë këngën time për dyzet vjet dhe me këtë edhe shpirtin tim, sepse për artistin – krijimi i tij është si për Anteun – toka .

Gjithë jetën time jam munduar që artin e muzikës ta bëjë me përkushtim; në frymën e traditave më të mira të popullit tonë!

Ky vlerësim që më është bërë sonte , më bind se ia kam dalë !

Kur ne artistët , bëjmë një moshë si njerëz, sigurisht bëhemi më të ndjeshëm, më të prekshëm dhe më delikat, sepse me nostalgji kujtojmë vitet e sukseseve. Prandaj, kemi nevojë për të na qëndruar pranë, për të na mbështetur… që të mos ndjehemi të vetmuar, që të mos ndjehemi të fyer e të lënë pas dore !

Faleminderit që ende na mbani gjallë! Faleminderit që ende dikush jeton me mua si njeri dhe artist !

Më lejoni që në emrin Tuaj dhe në emrin tim personal , të iu shprehi mirënjohje dhe falënderime të veçanta publike, atyre që në çfarëdo mënyre ndihmuan dhe kontribuan në organizimin dhe mbajtjen e këtij manifestimi jubilar:

Falënderoi sinqerisht  Sektorin e Kulturës , pranë Drejtorisë për Kulturë ,Rini dhe Sport të Kuvendit të Komunës së Gjilanit, që në kohë të vështira të degradimit tonë moral e shpirtëror , po i nderon njerëzit e vet, duke bërë që të ndjehemi ende gjallë!

Falënderim për të gjithë juve, që sonte keni gjetur kohë për të më nderuar me praninë tuaj!

Falënderim i veçantë post mortum për Violinën e parë në këto anë – Mësuesin tim, tani të ndjerë: Rexhep Bunjaku nga Poliçka , i cili mbolli në mua bazat e para të dashurisë për artin e muzikës!

Falënderim me konsideratë post mortum, për kompozitorin, etnografin dhe etnomuzikologun e parë kosovar: Lorenc Antonin, i cili mbështeti fuqishëm talentin tim, duke më pranuar si këngëtarë të rregullt të Radio Prishtinës dhe i cili mi hapi të gjitha dyert e sukseseve dhe afirmimit tim në opinionin publik!

Falënderoi të gjitha mediumet publike të shkruara dhe elektronike, gjithandej trojeve etnike shqiptare , që në vazhdimësi kontribuan në prezantimin dhe afirmimin e aktiviteteve dhe krijimtarisë sime muzikore!

Falënderoi Kryetarin e Klubit të Gazetarëve “Beqir Musliu” nga Gjilani, gazetarin gazetës së përditshme “LAJM”, zotëriun: Musa Sabedini, i cili në mënyrë kronologjike ka prezantua krijimtarinë time muzikore dhe po ky Klub, para ca vitesh më ka nderuar me titullin: “QYTETARI MË AKTIV I GJILANIT”!

Falënderoi gazetarin e së përditshmes “BOTA SOT”- profesorin Tefik Selimi, i cili po ashtu në mënyrë kronologjike ka përcjellë dhe publikuar aktivitetet dhe krijimtarinë time muzikore!

Në mënyrë të veçantë, falënderoi Radiotelevizionin publik të Maqedonisë, përkatësisht Kanalin e Dytë të këtij Televizioni, me në krye regjisorin e mirënjohur: Afet Miftari, i cili me rastin e 40 – vjetorit të krijimtarisë sime muzikore, ka xhiruar dy emisione dokumentare me gjatësi prej 120 minutash!

Falënderoi redaktorin e shumë veprave të mia – profesorin e nderuar: Hysen Këqiku, i cili nuk ka kursyer mundin, djersën, as kohën për redaktimin sa më të mirë të veprave të mia !

Falënderoi stafin e Radios “RINIA” nga Gjilani, me në krye Drejtorin e këtij mediumi, zotëriun:Faruk Limani, për përkrahjen maksimale dhe sponzorimin medial të këtij manifestimi!

Falënderoi Organizatorin e Festivalit “ZËRI I ALFABETIT” në Manastir, i cili më nderoi si pjesëmarrës i vetëm nga Kosova, në 100- vjetorin e Kongresit të Alfabetit të Manastirit!

Falënderoi Produkcionin më të mirë të Kosovës “VIDEO ART” nga Gjilani, me në krye zotëriun: Ilir Ahmeti, për kontributin e dhënë në xhirimin e këtij Manifestimi!

Falënderoi përzgjedhësin e muzikës pranë Teatrit Profesionist të Gjilanit, zotëriun Florim Gagica, për kontributin e dhënë në zërimin dhe mbarëvajtjen e këtij programi!

Falënderoi  mjeshtrin e fotografisë më të mirë në Kosovë:”FOTO GAZI” nga Gjilani, i cili me fotografitë e tij më ka prezantua anë e kënd botës shqiptare!

Falënderoj të gjithë kolegët, këngëtarët, rapsodët,  instrumentistët dhe artistët , të cilët me prezencën e tyre, ndihmuan dhe madhëruan këtë mbrëmje të pa harruar në jetën time!

JU FALEMINDERIT TË GJITHËVE – I JUAJI  DEMIR KRASNIQI !

O, ngoni shokë, ngoni vllazni,
Po ju knoj ni kangë n’ sharki,
Nuk asht kangë për dashuni,
Nuk asht kangë, kjo, për mahi !
Kjo asht kangë për histori,
Që ka ndodhë te na n’ Malësi !
Nuk asht përrallë kjo, as trillim,
Por asht ngjarje plot trishtim,
Që der’  tash mbet anonim,
Se shumë kush nuk pat guxim,
Të vërtetën ta qes në shesh,
Por asht ruejt prej veshi n’ vesh,
Qysh kanë ditë me tregue t’ vjetrit –
Nëpër oda njani – tjetrit,
Për terrorin e Sërbisë ,
Kasaphanën në Prapashticë !

Hej, kështu tregojnë njerëzit e gjallë –
Më 11 të muajit Janar ,
Mu në vitin Njizet e Nji ,
Ish kanë çue n’ kamë ni yrrfi !…
Kjo yrrfija e Serbisë –
Mori urdhrin pre Qeverisë ,
T’ formojë çeta terroriste ,
T’ gjithë çetnikë me bajoneta ,
Prejnë shqiptarë në troje t’ veta !
Prejnë me qinda e me mi ,
Gra, pleq, burra dhe fëmi’ !…

Hej, kështu çetnikët kanë ba n’ Drenicë -
Ja kanë mësy për n’ Prapashticë!
Duert përvjelun si kasap –
Kanë mësy maleve n’ Llap e Gollak;
Shakovicë, Lluga e Halabak,
Shkojnë si ujqit llavë e llavë ,
N’ Lluzhan, Majanc e Batllavë,
T’ parët e tyne i kanë tubue,
Shumë zullumet jav kanë vnue !…

Hej, se n’ Koliq, ata kur janë dalë –
Aty i vranë disa Kopranë!
I kanë vra te Zharalitë –
Mësynë me dalë në Prapashticë!
N’ Keqekollë , ata kur po hinë –
Radoviqi, para ju prinë!
Radoviqi , ma i madhi anmik –
Kolonel – ishte mbi çetnikë !
Ai, këtë plojë vetë e udhëhoqi
Me Stojanin Selkiqin prej Domaroci !
Shumë çetnikë patën mas veti –
Danailin nga Boleci.
Nga Bushinca, ishte Dejani ,
Nikollë Slivova e Dushan Sfillani !…

Hej, n’ Keqekollë, kur paskan ra ,
Radoviqi , mësue i ka –
Mulla Ademi, asht shpi me za,
Burrë ma i zoti, n’ Gollak nuk ka,
Na ma s’ pari çatij dojmë mej ra ,
Do t’ ja presim robët e fëminë,
Do ta lidhim, t’ ja djegim shpië!…

Hej, Radoviqi, i pari ju prinë –
Mulla Ademit, në shpi po i bien !
Radoviqi, ai kolonel –
Mish e shpirt ishte kriminel!
Porsi ujku po i thërret në derë –
Mulla Adem, a po del ni herë?!
Po del hoxha, me ta po flet,
-Mulla Adem, a na kallxo drejt,
Ti , sa robë i kie krejt?
Mulla Ademi, burrë i vërtetë,
-Kolonel, po t’ kallxoj drejt,
Tremdhet’  robë, unë, i kam krejt!…
S’ e kanë lanë , mirë, mej krye fjaltë –
E kanë lidhë me ‘i kanop t’ gatë ,
Jashtë ja nxorën fëmijët dhe gratë!
Radoviqi, me dorë të vet –
Tremdhetë robë, qaty ia vret ,
Rend poj vret , n’ zjarr po ja  djeg !
Ja dogj robët , ja bani hi –
Atëherë hoxhën n’ prag e ka shtri !
E rrëxoi hoxhën, n’ prag të shpisë –
Ja shkurtoi kryet me sakicë !…

Hej, kanë marrë rrugën përpjetë ni malit,
Xhanaria me ushtarë të krajlit,
Paskan dalë në Prapashticë ,
Me çue n’ vend urdhrin e Serbisë !
Bajnë maskër, bajnë kërdi –
Prej dy vjeçe tej n’ gjasht’dhet’ e dy…
Krejt kta meshkuj poj tubojnë,
Tanve vendet po jav caktojnë,
Grupe – grupe, mahallë – mahallë,
Krejt poj qesin në ni livadh!…
Me mahallë, qysh ishin kanë –
Keqekollën n’ ni vend poj lanë,
Çorrovit e Spahiovit,
Çelovit e Sinanovit,
Miftarovit në njanën anë,
Prapashticën n’ tjetrën anë,
Mahallën e Cubit – njizet e nandë…
Krejt poj lidhin me shoka t’ veta,
Tash po vjen tue ju sosë jeta!…

Hej, atëherë gati pushkët poj bajnë,
Veç po presin me ju dhanë komandë!
Erdh komanda e shenja e parë –
Veç tri pushkëve me ju dhanë zjarrë !
Shenja e dytë, qashtu po thotë –
Me komandë, me e dhezë ni top!
Kur ka ardhë kjo shenja e tretë –
Qinda pushkë me ‘i  flakë janë dhezë!
Ju shkoi gjama deri n’ re –
Shumë e mashkujt u shtrinë për dhe!…
Bien për dhe, shqiptarët e shkretë,
Krejt janë vra njimijë e njizet!…

Hej, luftën hiq nuk e kanë ndalë,
Hecte gjaku valë – valë,
Krejt xhenazet mbetën n’ livadh!…
Nëpër shpia atëherë ju kanë ra,
Shpijat flakë jav paskan kallë,
Robë e fëmijë krejt poj kallin n’ zjarrë,
Nuse e çika t’ reja i kanë marrë!
I kanë çue ato n’ Serbi –
I kanë martue me zor me shki’!…
I kanë nda këto femna t’ shkreta
Për gjithmonë prej trojeve t’ veta !
I kanë nda prej gjakut t’ vet –
Zoti e di, qysh kanë dhanë jetë ?!…

Hej, luftë e madhe ish kanë marue,
Ka ecë gjaku sikur prure!
Se këto malet e kësaj ane,
Nuk mbajnë mend këso kasaphane!
Borë e madhe kish pas ranue,
Nuk ka mujt kush kah me lue!
N’ atë furtunë, disa kanë pshtue,
Sylë Hetemi e Arif Govori,
Veli Salihi e Emin Govori…
N’ atë borë t’ madhe, n’ atë kjamet –
Ish kanë metë ni  fëmijë nën djep,
I kish pshtue, ai, nanës s’ vet –
N’ borë përmbys tri ditë e netë,
Aty ish vra nana e shkretë!
Ia vrajnë nanën, qati sabie-
Ia prejnë veshin, djalit, me singi!
Mas tri dite, aj, gjallë ish kanë –
Selim Govori, atij i kanë thanë!…

Hej, pushkatua krejt kur i kanë –
Kanë marrë rrugën, janë ra n’ Orllan,
Të gjithë meshkujt tubue i kanë,
Nishec, Brainë edhe Orllan,
Kalaticë dhe Ballban,
Këtë masakër me e vazhdue,
Kasaphane me marue!…

Hej, Zoti i Madh, kur don me t’ ndihmue –
Prej zullumit për me t’ pshtue,
Sa me metë dikush për farë,
Paska ndie ni djalë shqiptar ,
E lumja nana, ka e kish pasë djalë!
Trim mbi trima, ai burrë – burri,
Emni i tij – Nazim Gafurri !
Patriot e demokrat,
Që punonte ditë e natë,
Veç për popullin kosovarë,
Për të drejta, për shqiptarë!
Ai, këtë punë vesh e kish marrë –
Se po i digjen vllaznit në zjarrë!…

Hej, në Prishtinë, ai rrinte me shpi –
Shiti tokë e pasuni,
Shet dyqane, hane e mulli,
Pare t’ madhe kishte tubue,
N’ çarrshaf t’ grave, tebdil ish marue,
Shpejt e shpejt në Shkup ka shkue !
Nazim trimi, ai burrë bujar,
Shpejt po i gjejka do gazetarë,
Shumë e paret jav paska dhanë,
Jav tregon ngjarjen taman,
Si po lahet toka me gjak ,
N’ shumë katunde n’ Llap e n’ Gollak,
Për me i shkrue n’ gazetën “HAK”!
Përmes lidhjeve të telegrafit –
Thërret ministrat e Beligratit!
Shumë do shokë i ka bashkue –
Po i lajmëron Kombet e Bashkueme,
Për Serbinë, çka ka punue!…
Krejt Evropa, poj lexojnë gazetat,
Për këto krime të vërteta!
T’ gjitha kombet kokan bashkue –
Komisionin e kanë formue,
Me eksperta ndërkombëtarë,
Për mej çue në vend të ngjarjes!
Kështu Evropa, banë intervenimin –
N’ vend të ngjarjes me e pa krimin,
Ku Serbia , banë planifikimin,
Mbarë shqiptarëve me u ba farimin!…

Hej, Nazim trimi e bani ndriçimin –
Për me i sjellë pop’llit  shpëtimin!
Ai i qiti në shesh të dritës,
Jo veç krimet e Prapashticës,
Por mbarë ngjarjet dhe të Dumnicës!…
-Janë therrë njerëzit  në vatra t’ veta,
Mizorisht, me bajoneta,
Burra t’ rritun, gratë e fëmija,
T’ gjallë janë djegë nëpër shtëpia !…

Hej, krejt Evropa, gazetat poj knojnë,
Syve t’ vet nuk po u besojnë!
Tu i lexue e tu’ u trishtue –
Krajli i Serbisë, çka ka punue?!…
Komisioni – ekspert me shkollë –
Drejt po shkojnë në Keqekollë!
N’ mahallë t’ Spahive , kur janë dalë –
Nga shtatë vetë në ni vorr poj gjajnë!
N’ Prapashticë, kur paskan shkue –
Gjajnë xhenaze t’ djegne, t’ shkrumueme!…
Komisioni kokan trishtue,
Se çfarë krimesh kokan marue!
Çka kanë shkrue – krejt janë vërtetue!
Komisioni ishin betue –
S’ kishim mujt kurrë na me besue,
Se kështu Krajli, mundet me punue,
Gjithë këta njerëz n’ zjarrë mej shkrumue?!…
Mejherë Krajlin e kanë urdhnue –
T’ gjitha krimet mej ndalue !

Hej, Krajli i Serbisë, shumë koka idhnue
Për këtë plan që i ka dështue!
Tel Zhupanit, n’ Prishtinë i ka çue –
Kush asht ai, n’ gazetë qi ka shkrue,
N’ krejt Evropat na ka marrue,
Planet tona, na i ka shkatrrue?!
-Ai – thanë – asht ni  burrë prej burri,
E ka emnin Nazim Gafurri !

Hej, kqyre Krajli, çka ka marue ,
Shumë do pare i paska çue,
Njerëz me pare me i pague –
Nazim Gafurrin me likuidue !
Ky Zhupani, n’ kamë na u çue,
Dy xhandar i ka shtrëngue,
Këtë Nazimin, me e likuidue !…
Me e vra birin e demokracisë,
Atë bamirës të gjithë njerëzisë !
I biri i shkaut – Zhivko Kundraxhisë,
N’ Urë t’ Vellushës, ishte kurdisë.
N’ Urë t’ Vellushës, ishte dalë në pritë –
Don Nazimin, ta qëlloj me thikë!
Vjen Nazimi, me dy xhandarë –
N’ te u hodh kjo thika e parë!
Fërfëlloi  thika për rreth koke –
Ja hoq fesin , ia qiti për toke!
Fërfëlloi edhe thika e dytë –
Për rrajë t’ veshit ia ka ngjitë!
Plagë të randa i ka shkaktue –
Krimineli shpejt u largue!…
N’ shpi të motrës – djalin e kanë çue,
Iu lidh plaga dhe u shërue!…

Hej, këta agjentët i kanë fry sytë –
Për me i ba atentat të dytë!
Simbas planeve të Serbisë –
Me ni vrasës profesionist !

Hej, vrasësi i dytë, ishte shqiptar,
Hem xhandar edhe tradhtar.
Kriminel – Adem Misini,
N’ kafehane i maskuem hyni,
Hoq revolën, ai tradhtar –
N’ gjoks t’ Nazimit, i dha zjarrë!
Zbrazi plumba mbi gjoks t’ Nazmis,
Veç për hatër t’ krejt Serbisë!
Por , Nazimi kish mbetë i gjallë,
E muerën shokët, e çuen n’ spital!
Në spital, në Mitrovicë –
Veç me e pshtue prej xhandarisë !

Hej, n’ kirurgji – shërohej djali,
Nën kujdes t’ doktor Shamfanjit.
Ky doktor humanitar –
Për shërim, djalin e ka marrë.
Xhandaria i kish premtue –
Nëse mundesh me e helmue,
Ni veturë kemi me ta dhurue!
Ni veturë e ni milion dinarë –
Veç na e hjek këtë trim shqiptarë!
Por Shamfanji – doktor human,
Këtë punë t’ poshtër, ai, nuk e banë!

Hej, e muer djalin, e ka operue –
Plumbi i zi, mushkritë ia kish shpue!
Iu kish ndalë plumbi n’ krahnor –
Kur ka shkrepë, ai vrasës mizor!…
Me mjeshtri e operoi
Dhe Nazimin e shpëtoi!
Por shpirtzi kish prap ndër ne,
Se doktori ish kanë jevre,
Munafiku nazifashist ,
Spiunoi mjekun humanist
Dhe e vranë gjermanët nazist!…

Hej, prapë anmiku nuk rrin i qetë –
S’ donë me e lanë Nazimin n’ këtë jetë,
Ia bajnë gati vrasësin e tretë !
Me Shtatë Maj, në ora dhjetë ,
Mu në vitin Njizet e Tetë,
Prapë e gjetën ni tradhtar,
Që e mbante emnin shqiptar,
I maskuem, ai,  ishte xhandar,
Për tradhti kish ba përvoja,
Atij i thoshin :Hasan Mërkoja,
Ju thaftë dora, ju thaftë goja ,
I huptë fara, i huptë vorri!
N’ kafehane, revolen e nxori-
Zbrazi plumba n’ gjoks t’ atij burri,
N’ demokratin – Nazim Gafurri !
Shtiu n’ bamirësin  humanitar,
N’ patriotin tonë  kombëtar!…
Kështu punoi Hasan beteri –
Zbrazi plumba  prej revolverit,
Veç për hatër të Lube Hollcerit !
Seleniqi dhe Lube Hollceri –
Zbrazën plumba prej manxerri!
Kriminelët me armë në dorë –
Tre xhelatë atentatorë!…

Hej, por ai trim – Nazim Gafurri,
Mirë qëndronte me zemër guri!
Para bishave të Zhupanit –
Shtrëngon plagët e s’e lëshon zanin!
Para bishave, ai, nuk dorëzohej,
Para shokëve, ai, nuk ligështohej!
Para vdekjes la porosinë :
“Ju , më vratë këtu n’ errësinë ,
Për ta vra demokracinë,
Për t’ ia zanë diellin – lirisë,
Për t’ ia ba qejfin Serbisë!
Por, kur trupi n’ vorr   t’ m’  pushojë –
Demokracia do të fitojë!
Nuk do t’ ketë vrasës e tradhtarë –
Sa do t’ ketë trima e  luftëtarë!
S’ do t’ ketë plumba, as xhandari –
Për t’ vra  rrugën për liri !
Se Kosova, kurrë nuk shfaroset ,
Do t’ jetojë, e do t’ përsoset!
Le ta dijnë, pra, mirë xhelatët –
Hej, do t’ ketë lindje, hej, ma shumë se vrasjet !

Prishtinë, më 1978.        Demir KRASNIQI

Demir Krasniqi u lind më 10 shkurt 1950 në Tugjec të Dardanës.Mësimet epara i ndoqi në vendlindje,kurse të mesmën drejtimin muzikor e kreu në Prishtinë,dhe më pas kastudjuar gazetari.Pas shkollimit ka punuar mësimdhënës në shumë shkolla të Kosovës ,plot 37 vjet me radhë.Bazen muzikore e ka marrë nga fëmijëria.Ai është përcaktuar për muzikënkombëtare,njihet ndër këngëtarët e parë të Anamoravës.Si i ri iu rrek manifestimeve dhe festivaleve prej nga mori shumë shpërblime,po shpërblimi më domethënës ishte ai kur u shpërblyar si i ri në  manifestimin rajonal”Mikrofoni është i juaj”:Demiri ishte më i pranishmi në media,shumë i njohur  dhe  i kryesuar në RTP.Në opusin e vet ka mbi 2000 këngë të shkruara dhe komponuara nga vet ai,të inçizuara në pllaka gramafoni, audio-video kaseta,cd dhe DVD.Mbledhës i folklorit nga gjitha trojet etnike shqiptare ,me mbi 4000 këngë të mbledhura,disa prej tyre botuar në blendet shqiptare IV,V;VI;VII.Demir Krasniqi plot dyzet vjet u mor me krijimtari nga ka botuar 14 libra,kurse në jubileun e dyzetvjetorit të krijimtarisë së ti po boton librin epesëmbdhjetë” Lirika popullore e Gollakut” me 1216 këngë të mbledhuranga trevat shqiptare.Demir Krasniqi i ka kënduar me dhembje sakrificave kombëtare,dhe me gëzim të arriturave.Dyzet vjet mes këngës ka shpalosur historinë kombëtare.Duke i uruar dyzetvjetorin e krijimtarisë së tij,i urojmë shëndet të mbarë dhe shumë shumë suksese të mëtejme.